Պրոֆեսոր Հրանտ Խաչատուրի Հակոբյանի նվիրական երազանքը հայրենի եզերքում կրթօջախ հիմնելն էր, ինչը հնարավոր եղավ իրականացնել միայն Հայաստանի Հանրապետության անկախության հռչակումից հետո, երբ ՀՀ կառավարության 1993 թվականի մայիսի 5-ի որոշմամբ ազդարարվեց Գավառի պետական համալսարանի ծնունդը: Համալսարանի հիմնադրման գործում անգնահատելի աջակցություն ցուցաբերեց Ազգային ժողովի պատգամավոր Հրանուշ Հակոբյանը: Համախմբվեցին նվիրյալ դասախոսներ ու աշխատակիցներ, և աստիճանաբար համալսարանը կայացավ, ինքնահաստատվեց Հայաստանի Հանրապետության բուհական համակարգում և Գեղարքունիքի մարզում ձեռք բերեց ոչ միայն գիտական, կրթական, մշակութային, այլև սոցիալ-տնտեսական, ժողովրդագրական կարևոր նշանակություն: Համալսարանում մեկը մյուսի հետևից բացվեցին նոր ֆակուլտետներ ու ամբիոններ, ստեղծվեցին բոլոր անհրաժեշտ կառուցվածքային ստորաբաժանումները: Այսօր համալսարանում իրականացվում են առկա և հեռակա կրթական ծրագրեր, կազմակերպվում են վերապատրաստման ու որակավորման բարձրացման դասընթացներ, ընդլայնվում է արտաքին համագործակցության ուղեծիրը: Գավառի պետական համալսարանը դինամիկ զարգացող բուհ է, որը ժամանակի հրամայական պահանջներին համապատասխան ծավալում է ուսումնական, ուսումնամեթոդական, գիտահետազոտական, դաստիարակչական գործունեություն, ապահովում որակյալ կրթություն, պատրաստում մրցունակ մասնագետներ:

Բեռնում 0%
Մեր հասցեն

ք.Գավառ, Հրանտ Հակոբյան փ.1
Հեռախոս`
(374264) 2 57 75
(060) 46 12 99
(060) 46 02 01
Ֆաքս` (060) 46 02 01
Էլ. փոստ` info@gsu.am

ԳՊՀ էլեկտրոնային փոստերի համակարգ

ԳԱՎԱՌԻ ՊԵՏԱԿԱՆ ՀԱՄԱԼՍԱՐԱՆ



ՆՈՐՈՒԹՅՈՒՆՆԵՐ



ԿԱՅԱՑԱՎ ԳՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ Փետր. 25

Այսօր ԳՊՀ գիտական խորհրդի նիստերի դահլիճում տեղի ունեցավ ԳՊՀ հոգաբարձուների խորհրդի նիստ, որը վարեց խորհրդի նախագահ, ՀՀ Սփյուռքի նախարար Հրանուշ Հակոբյանը:


ԳԱՎԱՌԻ ՊԱՏՎԱՎՈՐ ՔԱՂԱՔԱՑՈՒ ԿՈՉՈՒՄԸ
ՊԱՏԻՎ Է ԵՎ ՊԱՏԱՍԽԱՆԱՏՎՈՒԹՅՈՒՆ Փետր. 24

Այսօր Գավառ համայնքի ավագանու միաձայն որոշմամբ Գավառի պետական համալսարանի ռեկտորի պաշտոնակատար, իրավաբանական գիտությունների դոկտոր, դոցենտ Ռուզաննա Խաչիկի Հակոբյանին շնորհվել է Գավառի պատվավոր քաղաքացու կոչում՝ հաշվի առնելով նրա ավանդը Գավառի պետական համալսարանի կայացման ու զարգացման, Գավառ քաղաքի երիտասարդների կրթության և դաստիարակության գործում, ինչպես նաև ակտիվ մասնակցությունը Հայաստանի Հանրապետության սահմանադրական և օրենսդրական փոփոխությունների գործընթացին։


ՈՒՍԱՆՈՂԱԿԱՆ ԳԻՏԱԺՈՂՈՎ՝
ՆՎԻՐՎԱԾ ՌԱԴԻՈԿԵՆՍԱԲԱՆՈՒԹՅԱՆ ԱՐԴԻ ՀԻՄՆԱԽՆԴԻՐՆԵՐԻՆ Փետր. 24

Այսօր Գավառի պետական համալսարանի բնագիտական ֆակուլտետում տեղի ունեցավ ուսանողական գիտաժողով՝ «Ռադիոկենսաբանության արդի հիմնախնդիրները» թեմայով։